Desizaun ne’e foti hafoin analiza ba aprezentasaun husi pontu situasaun epidemolojika husi Sentru Integradu Jestaun Krize (SIJK).
“Konsellu Ministru delibera ona atu propoin ba Prezidente Repúblika Francisco Guterres “Lú Olo” renova estadu emerjensia ba loron 30 tan,” dehan Ministru Prezidensia Konsellu Ministru Fidelis Leite Magalhães, iha Palasiu Governu, kuarta ne’e (18/08).
Nune’e, ho hanoin ida katak kauza determinante sira ne’ebé justifika ona deklarasaun ba renovasaun estadu emerjensia atu kontinua mantein, hodi bele evita no neutraliza risku propagasaun sira husi variante foun SARS CoV-1.
Aleinde, bele proteze saúde públika sira nia kapasidade hodi resposta ba sistema nasional saúde nian.
Entretantu, estadu emerjensia ba dala-16 hahú iha oras 00:00 loron 1 fulan-Agostus no sei termina iha oras 23:59 loron 30 Fulan-Agostus tinan 2021.
Asistente Editor: Saturnina da Costa
