“Desizaun ne’e foti, hafoin halo análiza ba aprezentasaun kona-ba Pontu situasaun epidemiolójika nasionál, husi Sala Situasaun Sentru Integradu Jestaun Krize,” Konsellu Ministrus delibera atu propoin ba Prezidente Repúblika, Francisco Guterres Lú Olo, ba renovasaun estadu emerjénsia, ba loron tolu-nulu tan,”dehan Ministru Prezidensia Konsellu Ministru Fidelis Leite Magalhães, iha Palasiu Governu, kuarta ohin (21/07).

Nune’e, mantein kauza determinante sira ne’ebé justifika ona deklarasaun estadu emerjénsia no nia renovasaun sira, atu bele evita no neutraliza risku propagasaun sira husi SARS-CoV-2, nune’e bele proteje saúde públika no kapasidade resposta husi Sistema Nasionál Saúde nian.

Entretantu, molok ne’e PR dekreta estadu emerjensia ba dala-15, hahú iha oras 00:00 loron 2 fulan-Jullu sei termina iha oras 23:59 loron 31 fulan-Jullu.