Embaixadór Japaun iha Timor-Leste, Kimura Tetsuya hato’o kestaun iha ámbitu serimónia loron Nasional Japaun ne'ebé partisipa Sekretáriu Estadu Florestas, Fernandino Vieira da Costa, hamutuk ho Prezidente Republika Timor Leste, José Ramos Horta no Membru Governu sira, iha nia rezidensia, Sexta-Feira, 23 favereiru 2024.
Diskursu Embaixador Japaun iha Timor-Leste, Kimura Tetsuya hatete, primeiru hakarak reforsa kooperasaun indústrias prinsipais iha Timor-Leste, hanesan agrikultura, Peskas no Floresta. Durante tinan hirak liu-ba, Governu Japaun kontinua fo apoiu konstante ba kultivasaun hare iha Timor-Leste, iha kotuk, projetu ba produsaun foos lokal iha Manatutu no Bobonaro hamutuk ho JICA, konklui ona.
“Ami sei halo akompañamentu ba projetu ida ne'e liu husi haruka asessor ida ba promosaun fo'os lokál nian, ne'ebé sei servisu ho Governu Timor-Leste, péritus no agrikultor sira. Alen de ne'e estajiàrius tékniku nain 4 busi Timor-Leste to'o ona e Drovisla kochi, Japaun, hodi servisu iha seitór agrikultura, no estajiárius barak liu tan mak sei haruka ba Japaun Ami espera estajiárius hirak nee sei lori fila esperiensia no matenek sira iha área agrikultura nian mai Timor-Leste" Hateten Kimura.
Nia dehan, kompaña Japaun barak hakarak mai investe iha Timor-Leste, iha área sira hanesan enerjia, ambiente no indústria, independensia, Japaun kontribui ona desde restaurasaun ba dezenvolvimentu infraestrutura no rekursus umanus, ho konsistentemente apoiu Timor-Leste nia adezaun ba ASEAN.
Tanba nia hare ba Timor-Leste ne'ebé hakat dadaun ba objetivu ida-ne’e, komesa iha kompañia estranjeiru barak, inklui hirak ne'ebé husi Japaun, mak hatudu dadaun sira nia interesse hodi investe iha pais ida-ne’e, ezemplu empreza konstrusaun naval ida husi Japaun, Tsuneishi Shipbuilding. hala'o dadaun ezaminasaun besik liu ba possibilidade harí estaleiru ida iha Timor-Leste.
“Aliende ne’e, empreza importante ida iha komérsiu no investimentu husi Japaun partisipa ona iha lisitasaun hodi realiza konstrusaun projetu sentrál enerjia solar eskala boot iha Manatutu. Osaka Gas partense ba Joint-Venture for Greater Sunrise Project,” Nia informa.
Embaixadór ne'e prontu halo saida deit mak nia bele hodi observa kompaña Japones sira-ne'ebé iha interese hodi mai investe iha Timor-Leste hodi promove liutan investimentu iha Timor-Leste husi setór privadu Japaun ni’an.
