Ministru Prezidensiál no Konsellu Ministru, Adriano do Nascimento dehan, programa ne’e rasik Governu propoin atu aprezenta uluk orsamentu retifikativu uluk, mak programa VII Governu nian tuir.

Nune’e, nia dehan, programa 10 resin mak governu elabora hotu ona, ne’ebé deputadu AMP sira ezije maibé dadus sira ne’e kompleta ona.

Tanba ne’e, Adriano hatete, deputadu sira mak tenke halo tentativa hasoru Governu hodi aprezenta programa ba deputadu sira durante ne’e ezije.

“Dadus ne’e remata ona, maibé depende ba deputadu sira iha Parlamentu Nasionál”, dehan nia, iha Palásiu Governu, horisehik.

Tuir nia, Governu depende de'it ba Parlamentu Nasionál hodi ajusta de'it, tanba programa ne’e rasik remata ona. Hein ezijénsia husi deputadu bainhira aprezenta programa VII Governu nian daruak ba Parlamentu Nasionál.

Nia hatutan, bainhira husu atu deside diskute, Governu prontu kumpre desizaun husi deputadu sira hodi aprezenta programa.

Governante ne’e deklara katak, kestaun interna órgaun soberania nian, tanba ne’e deputadu simu orientasaun bainhira aprezenta daruak programa VII Governu nian iha Parlamentu Nasionál.

Ne’e duni, programa ne’e rasik tempu badak sei aprezenta, maibé prioridade uluk mak orsamentu retifikativu.