Projetu ne'e, aprezenta husi Ministru Transporte no Komunikasaun, Miguel Marques Gonçalves Manetelu.
“Unidade ne’e, kria tuir akordu finansiamentu ho Banku Aziátiku Dezenvolvimentu, nunka instala ka hala'o atividade ruma, tanba ne’e revoga atu labele simplifika nia prosesu UMGIP ne’e, ita la uza ona dekretu Governu, maibé ita nomeia bázeia ba despaixu konjunta,”dehan Ministru Miguel iha Palasiu Governu, Kuarta ne’e (14/05).
Ministru hatutan, unidade ne’e ninia estinsaun hanesan rezultadu aprovasaun, iha loron 7 fulan-maiu tinan 2025, tuir konseitu foun ida ba projetu aeroportu nian no nesesidade hodi garante jestaun inisiativa ida ne’ebé lais, efetivu no efisiente liu.
Enkuantu, iha loron 7 Maiu 2025, Konsellu Ministrus delibera ona hodi aprova konseitu ba projetu Aeroportu Internasionál Prezidente Nicolau Lobato foun.
