Tanba ne’e, sosiedade sivil sira konsidera Governu halo desizaun rungu-ranga no inkonsisténsia ba nia desizaun rasik.

Diretór Ezekutivu Fundasaun Mahein (FM), João Almeida hatete, Governu raasik mak deside loke fali Aeroportu ne'e dilematiku boot ida, tanba timor-oan barak iha nasaun afetadu covid-19 hakarak fia no bele lori fali moras tama Timor-Leste.

"Loke aeroportu ida ne'e dilema ba ita, ezemplu ita taka timor-oan barak iha rai liur labele mai, tanba transporte laiha no ita loke sei fó risku ba movimentu timor-oan no ema estranjeiru ne’ebé hela iha nasaun afetadu covid-19 bele lori tama TL," dehan Almeida ba Diariu INDEPENDENTE liu husi via-telemóvel (02/04).

Tuir nia katak, Governu dilematiku iha situasaun ne’e, tanba estadu emerejénsia ninia konsekuensia boot, atu bandu timor-oan tama Timor ou sira kontinua tama.

Tanba ne’e solusaun di’ak liu mak Governu tenke halo kordenasaun ho Embaixadór Timor-Leste ba raí liur atu orienta sidadaaun timor-oan iha nasaun afetadu covid-19 nafatin hela iha rai liur.

Hodi nunee, Embaxadór sira iha rai liur mak tenki kontrola nia sidadaun, tuir regra luta kontra covid-19 too periodu estadu emerjénsia remata.

"Ita bele taka aeroportu, maibé ita labele limete ita nia sidadaun timor-oan ne’ebé hakarak atu fila mai Timor-Leste, bainhira sira tama governu tenke prepara fatin obrigatóriu sira tenke hela iha kuarentina," dehan nia.

Iha fatin ketak Diretór HAK, Manuel Monteiro afirma, governu halo desizaun rungu-ranga, tanba oportunidade ba ema estranjeiru tama Timor-Leste.

Nia dehan, Presidente Republika dekreta Estadu Emerejénsia tanba covid-19 ne’e fó risku boot ba Timor-oan.

Tanba ne’e Governu mós kria ona dekretu lei hodi regula movimentasaun sidadaun nian liu husi medidas suspende aero hotu iha Timor laran tomak, maibé governu hasai fali desizaun ida hodi loke fali ba de’it transporte aviasaun ne’e la justu.

."Estadu emerjénsia katak, estadu ida ne’ebé lá normal, entaun ita foti desizaun tenke hanesan laos iha raí laran ita bandu transporte públiku hanesan bus, mikrolete no táxi sira para hotu, depois iha parte seluk ita loke fali ida ne’e lá diak,"dehan nia.

Tuir nia katak, Governu tenki foti desizaun ida rigor atu ema hotu bele obedese. Nia esplika, ba oin mak governu nafatin loke aeroportu mak sidadaun iha raí laran sei lá fiar regra ne’ebé estadu hasai.

"Se ida ne’e mak ba oin aeportu governu kontinua loke hodi fó oportunidade ba ema estranjeiru ho timor-oan iha raí liur tama TL, mak ita nia sidadaun sira iha raí laran sei la kumpri regra no lei ne’ebé governu estabelese,"tenik nia