“Lutu nasionál ne’e iha teritóriu nasionál tomak, ba períodu loron tolu, husi tuku 8:00 loron 25 fulan-setembru to’o tuku 07:59 loron 28 fulan-setembru. Durante períodu lutu nasionál bandeira nasionál sei hasa’e to’o ai-rin klaran de’it (meia haste), iha nasaun laran tomak iha fatin sira ne’ebé mak obrigatóriu tenke uza, inklui iha misaun diplomátika sira,”dehan Ministru Prezidensia Konsellu Ministru Fidelis Leite Magalhães iha Palasiu Governu, sesta ne’e (24/09).
Entretantu, Saudozu Ma’Huno hanesan mós antigu Komandante FALINTIL nian, no mós ex-Sekretáriu Komisaun Diretiva FRETILIN nian no atualmente hanesan Vise dahuluk Prezidente Partidu CNRT.
Enkuantu, Saudozu hakotu iss, iha sesta (24/09) lorokraik iha Óspital Nasional Guido Valadares (HNGV).
