Deliberasaun ne’e aprovadu iha reuniaun Konsellu Ministru, Tersa (04/11), ne’ebé aprezenta husi Ministru Petróleu no Rekursus Minerais, Francisco da Costa Monteiro.
"Konsellu Ministrus autoriza despeza ho montante totál dollar amerikanu 1$6.055.897, ne’ebé sei ezekuta entre tinan 2025 to’o 2027, ho objetivu atu implementa programa A13 husi Orsamentu Jerál Estadu nian, ne’ebé inklui dezenvolvimentu husi kampu gás Greater Sunrise no realizasaun estudu no inisiativa nesesáriu sira hodi garante kadoras dada mai Timor-Leste,” deklara Konsellu Ministru liu husi Komunikadu Imprensa ne'ebé Online INDEPENDENTE asesu, Tersa (04/11).
Tuir KM, montante autorizadu ne’e kobre realizasaun levantamentu jeofíziku no sízmiku ho rezolusaun ultra-alta (UHRS) relasiona ho gazodutu esportasaun gás GS no gazodutu Bayu Undan, ne’ebé esensiál ba faze téknika no planeamentu projetu nian.
Molok ne’e, Ministru Petroleu no Rekursus Minerais, Francisco da Costa hatete, prosesu negosiasaun GS la'o hela no tuir kontestu kompetisionalidade nia laran, maibé esforsu hotu halo no iha tameline ne’ebé rigorozu uitoan.
“Tanba ita hakarak negosiasaun hotu iha tinan ida ne'e, nune’e ita bele avansa ba diskusaun tekniku komersiais nian, inklui konsumsi nian bele integra konstrusaun, iha tinan 2027 ka 2028 bele produs, ida ne'e ita-nia kalendarizaun," dehan Francisco iha Sentru Konvensaun Dili, 09 Outubru ne’e.
