Tan ne’e, Governu Australia liu husi ninia Embaixadóra iha Timor-Leste, Rebecca Dod, hatete, Australia sei apoia Timor-Leste hodi halo redusaun ba risku dezastre naturais ne’ebé akontese dadauk.

“Objetivu husi enkontru ne’e koalia kona ba planu oinsa atu halo redusaun ba risku dezastre naturais ne’ebé ita hasoru dadaun,”dehan nia, hafoin remata enkontru ho SEPS, iha Gabinete Ministeriu Interior, Kaikoli, Dili, (14/11).

Iha fatin hanesan, Sekretáriu Estadu Protesaun Sivil, Domingos Mariano Reis hatete, enkontru ne’e atu hametin liu tan kooperasaun entre nasaun rua nian.

“Objetivu ne'e atu hametin koperasun entre Governu Australia ho Autoridade protesaun Sivil no oinsá atu responde risku dezasatre naturais iha Timor-leste,”dehan SEPS.

Iha enkontru ne’e, Embaixadóra Australia iha Timor-Leste mós dehan, pronto apoiu Timor-Leste bainhira hasoru bailoron naruk.