projetu Rezolusaun Governu nian ne’e, aprezenta husi Vise-Ministra ba Asuntu ASEAN, Milena Maria da Costa Rangel, hodi atribui doasaun ida ho montante dolar amerikanu rihun $60 ba Reprezentasaun Permanente Repúblika Árabe Saarauí Demokrátika iha Timor-Leste.
“Medida ida-ne’e hametin lasu istóriku ne’ebé liga Timor-Leste no Repúblika Árabe Saaraui Demokrátika, bazeia ba dezeju komún hodi luta ba autodeterminasaun, iha prinsípiu solidariedade ba luta povu nian ba libertasaun nasionál no direitu ba autodeterminasaun no independénsia, ne’ebé hatuur iha Konstituisaun Repúblika,” dehan komunikadu ne’ebé Online INDEPENDENTE asesu iha Pájina Governu Timor-Leste, Kuarta (26/02).
Nune’e, iha Rezolusaun Parlamentu Nasionál kona-ba solidariedade no apoiu ba povu Saaraui, iha faktu katak Timor-Leste kontribui husi kedas tinan 2011, ba funsionamentu Reprezentasaun Permanente iha Dili, liu-husi fó subsídiu anuál hodi hala’o sira-nia atividade iha Timor-Leste no iha rejiaun ne’e.
