“Diploma ida ne'e hakarak atu adekua remunerasaun husi prezidente Autoridade Munisipál no Administradór Munisipál sira ho responsabilidade ne'ebé bo'ot katak desempeñu kargu nian implika hanesan, representante sira iha nivel munisipal, Governu Sentral ne’ebé kaer responsabilidade sira ba servisu oi-oin sira ne'ebé fó husi Governu ba sidadaun lokal sira,”dehan Ministru Prezidensia Konsellu Ministru Fidelis Leite Magalhães, iha Palasiu Governu.
Enkuantu, projetu Dekretu Governu nian ne’e, sei hahú iha fulan-Janeiru tinan 2022, nune’e Prezidente Autoridade Munisipál sira sei simu osan dolar amerikanu $1.6 no Administradór Munisipál simu montante dolar amerikanu $1.3 kada fulan.
Enkuantu, Governu hakarak dezenvolve no hadia remuneratóriu, Prezidente Autoridade sira tenki iha responsabilidade servisu tuir remunerasaun ne’ebé iha.
Asistente Editor: Saturnina da Costa
