Enkuantu, projetu dekretu-lei ne’e aprezenta husi Ministru Administrasaun Estatal (MAE), Miguel Pereirra de Carvalho.
"Ohin Konsellu Ministru aprova rejime aprovizionamentu ba programa Uma ba ema Kbiit Laek Plus (UKL+), alterasaun ida ne’e importante hodi bele fasilita prosesu aprovizonamentu akizasaun ba material sira ba konstrusaun uma kbiit laek, liu-liu atu bele hola jinku sira ho kualidade no ho lalais,”dehan Ministru Prezidensial Konsellu Ministru, Fidelis Leite Magalhães, iha Palasiu Governu, sesta ne’e (06/05).
Governante ne’e, hatutan, ho dekretu-lei Ho Dekretu-lei ida ne’e estabelese rejime espesiál aprovizionamentu ne’ebé haree liu ba ezekusaun medida UKL+.
Nune’e, rejime foun ida ne’e ba oin sei prevee opsaun rua, ida, ho atribuisaun subvensaun liu husi estrutura suku ba Programa Dezenvolvimentu Nasional Suku (PNDS), no ida seluk ho posibilidade atu halo aprovizionamentu sentralizadu, hodi bele hetan ekonomia eskala no poupansa ba rekursu ekonómiku.
