"Ohin Konsellu Ministrus aprova projetu rezolusaun governu nian, ne'ebe aprezenta husi ha'u rasik, kona-ba apoiu finanseiru ba realiza atividade no serimonia ba Dom Virgilio do Carmo hanesan Kardiál dahuluk iha Timor-leste,"dehan Ministru Prezidensial Konsellu Ministru Interino, Rui Augostu Gomes, iha Palasiu Governu, kuarta ne’e ( 24/08).
Ho nune’e, Governu valoriza signifikativu jestu ida ne’e husi prezensa no importánsia Igreja Katólika nian iha sosiedade timoroan, no asosia iha momentu moris koletiva ida ne’e, hodi apoia no komemora atividade resesaun Dom Virgílio do Carmo da Silva, hanesan kardeál timoroan dahuluk.
Nune’e, aprova ona finanseiru ho valór hamutuk dolar amerikanu rihun $220.732,00, ba realizasaun atividade refere, mai husi dotasaun ba Governu tomak.
Hafoin selebrasaun uluk akordu subvensaun públika entre Governu no Konferénsia Episkopál Timoroan.
Entretantu, Elevasaun Dom Virgílio do Carmo da Silva ba Kardeál sei hala’o iha konsistóriu loron 27 fulan-agostu tinan 2022, iha Vatikano Roma.
Enkuantu, molok ne’e iha loron 29 fulan maio 2022, Amo Papa nomeia Arsebispo Arkedioseze Metropolitanu Dili, Dom Virgilio Do Carmo Belo ba Kardeál dahuluk iha Timor-Leste.
