Diskusaun preleminária iha Konsellu Ministru (KM) kona-ba Orsamentu Retifikativu la temi fiksu montante, maibé klaramente sei aprezenta ba PN atu hetan diskusaun hamutuk.

Lia-hirak ne’e hato’o husi Sekretáriu Estadu Konsellu Ministru no Komunikasaun Sosiál, Matias Freitas Boavida, iha Palásiu Governu, horisehik.

Atu hataan preokupasaun deputadu sira nian kona-ba preokupasaun, nia dehan, membru governu sira ne’ebé hetan delegasaun kompeténsia husi Xefe Governu bele responde.

Ne’e duni, kuandu opozisaun sira kontinua trava programa sira ne’e tanba kestaun Primeiru Ministru, Mari Alkatiri, la marka ninia prezensa, ne’e sei difikulta povu ninia moris.

Matias hatutan, programa ne'ebé sei aprezenta ba daruak ne’e, atu kompleta ezijénsia opozisaun nian, tanba husu dadus fisku.

Tanba ne’e, ministru sira aprezenta ona dadus kada ministériu para bele ajusta iha programa VII governu ne’e.