Ne’e duni, funsionáriu sira ne’e merese duni ba subsídiu husi Governu tanba sira ne’ebé durante ne’e ho nivel 1 simu saláriu US$ 115.
Ministru Obras Públiku (MOP), Salvador Eugénio Pires hateten, funsionáriu barak iha EDTL atende enerjia eletrisidade iha Estadu Emerjénsia Governu hanoin oinsá fó subsídiu ba sira.
"EDTL nian ohin hatama ona proposta ba Ministériu Finansas no Gabinete Primeiru Ministru atu hetan subsídiu, tanba servisu tékniku hirak ne'e iha nivel 1 simu saláriu mensalmente $115 mak barak liu. Sira aposta ba risku Covid-19 tanba sira servisu ekipa", dehan nia, iha edifísiu Ministériu Finansas, Ai-Tarak Laran, horisehik.
Governante ne'e realsa, foin daudaun iha Sentru Izolamentu Vera Cruz sistema instalasaun eletrisidade avaria sira ba halo atendimentu kontamina ho ema ne'ebé pozitivu ba Covid-19, nune'e sira risku ba kontaminasaun.
"Staff sira ne'ebé hala'o hela atendimentu ba avaria bázika sira, nune'e sira bele hetan netik subsídiu" tenik Salvador.
Entretantu, nia dehan, proposta ne'e oras ne'e sei iha dekretu lei ne'ebé sei deside husi Konsellu Ministru hafoin bele esplika detalla.
