Nesesidade bazika ne’e ba kada ema, hetan supermie falun 6, rinso falun 5, mina Bimoli kiik 1, sabaun 4 no foos kilo grama 5.

Tuir observasaun husi Online Independente katak, nesesidade bazika ne’e falun ona iha plastiku hodi entrega de’it ba estudante sira ne’ebé tama ona iha lista atu hetan apoiu.

Martinho da Costa, responsavel fahe nesesidade bazika ne’e hateten, apoiu ne’e ba estudante sira ne’ebé hela kos iha Dili, relasiona ho pandemia Covid-19.

"Ha’u hetan orientasaun husi Fundasaun Falur Rate Laek hodi fahe nesesidade bazika ne,e bazea ba lista ne’ebé iha, tuir dadus estudante Vikeke ne’ebe ami iha hamutuk 564 estudante, tanba ne’e Fundasaun Falur Rate Laek deside hodi fahe ba sira tanba Dili Lockdown no sira hetan difikuldade hodi asesu transporte ba Vikeke,"dehan Martinho, iha Fundasaun Falur Rate Laek, iha Mandarin,Dili, Kuarta ohin.

Nia reforsa, maski nesidade basika ne’ebé Fundasaun Falur Rate Laek fahe oituan maibé bele ajuda ona estudante kost sira husi Vikeke oan bele aguenta ba loron balu nia laran.

Fundasaun Falur Rate fahe nesesidade bazika ne’e, ho lalais no tuir duni regra sanitária, uza maskara no kumpri distansiamentu sosial.