Responsavél Estatistika Informasaun saúde Formoza, Domingas da Costa hatete, durante fulan neen nia laran sira rejistu kazu ne'ebé aas liu mak IRA, tuir mai Malaria no Moras-kulit.
Nia dehan, husi kazu hirak ne'e sira atende barak mak rekopera no ida ne'ebé grave sira refere ba iha Hospital Nasionál Guido Valadares (HNGV).
"Husi dadus ne'e, kazu ne'ebé Médiku sira haré grave no presiza halo tratamentu refere, ami refere ba iha HNGV.Pasiente ne'ebé refere ba iha HNGV hamutuk 115, ne'e husi kazu sira hotu," dehan Responsavél EIS iha nia knar fatin Formoza, Tersa (11/07).
Nia dehan, Nunue'e mos iha sentru saúde refere rejistu kazu Malaria 675, Moras-kulit 754, Dengue 165.Enkuantu, kazu ne'ebé atende iha emerjensia hanesan asidenti tráfiku hamutuk 199 no violensia doméstika 11.
