Entretantu, dadus funsinariu permanente sira ne’ebé sei tama iha prosesu reforma iha tinan oin hamutuk 2.900.
Prezidente Komisaun Funsaun Públiku (KFP), Agostinho Letencio de Deus hatete, funsionáriu públiku permanente ho ajente administrasaun de'it totál hamutuk ne'e liu rihun 39.
"Funsionáriu permanente de'it ho ajente administrasaun públika liu rihun 39," dehan nia, iha Parlamentu Nasionál, horisehik.
Nia hatutan, husi númeru ne'e funsionáriu permanente kuaze liu rihun 34 no mós funsionáriu ajentes administrasaun kuaze rihun 5, ne'e liga de'it ho funsionáriu permanente ho ajente administrasaun.
"Totál ita-nia forsa de traballu iha territóriu laran tomak iha administrasaun públika, entaun nia resposta maka kuaze 70 mill-tál," dehan Agostinho.
Husi totál númeru forsa traballu husi territóriu tomak ne'e hamutuk rihun 70 inklui ona liu rihun 39 funsionáriu permanente no ajente administrasaun, inklui liu rihun 20 resin kazuál no mós asesor no sira ne'ebé mak kontratu termu sertu.
Kona-ba reforma prosesu ne'e hasai hotu ona dehan katak prosesu ne'e iha tinan ne'e la'o, tanba intermu-de-institutu funsaun públiku no altera, iha 2024 husi ne'e mai halo prosesu.
"Ita-nia espetativa no desiaun ne'e hahu husi tinan oin husi fulan-Janeiru ba oin ne'e hahú ona reforma obrigatoriu ba funsionáriu sira ne'ebé maka liu ona tinan 65. Totál idade reformadu kuaze 2.900 funsionáriu maka sei reforma iha 2026 mai," nia tenik.
