“Ohin Protesaun Sivil mai fó apoiu umanitariu iha suku Manleuana ba familia afeitadu hamutuk hamutuk 446, ne’ebé kompostu husi Aldeia Lauloran iha uma kain 146 no Aldeia Mane Mesak hamutuk 300 Uma kain,”dehan Paulino Pereira Tilman, Xefe Aldeia Mane Mesak, segunda ohin (24/05).

Nia hato’o agrades ba estadu Timor-Leste liu husi Sekretariu Estadu Protesaun Sivil ho nia ekipa ne’ebé servisu makas hodi apoiu no tau matan nafatin ba vitima inundasaun sira.

Sasan hirak ne'ebé apoiu ba vitima sira mak hanesan, fós, mina Bimoli, ikan lata, supermie no sasan dapur nian.

Tuir dadus, Ministériu Administrasaun Estatal (MAE) hamutuk ho liña ministerial sira ne’ebé apoiu ona umanitaria hodi fahe aihan no laos aihan (food Item ho non food Item, Sigla ingles) ba vitima inundasaun sira hamutuk 33.375 iha teritorial Timor -Leste.

Iha sorin seluk Ekipa Protesaun Sivil hamutuk ho CARE Internasional, Oxfam no parseiru sira seluk, kontinua hari tenda ba familias vitima dezastre naturais iha area Kampu futebol Real Madrid Manleuana.

Asistente Editor: Saturnina da Costa