Ezistensia Jornal INDEPENDENTE ba tinan 13, PR Horta: “Imi sempre manan premiu husi KI, ne’e hatudu imi-nia servisu di’ak” Featured

By Cristina Ximenes Abril 04, 2024 281
Jornal INDEPENDENTE hetan premio husi Konsellu Imprensa iha tinan kotuk (2023). Foto:Dok/INDEPENDENTE. Jornal INDEPENDENTE hetan premio husi Konsellu Imprensa iha tinan kotuk (2023). Foto:Dok/INDEPENDENTE.

DILI: Prezidente Repúblika, José Ramos Horta, konsidera katak durante ne’e Jornal INDEPENDENTE hatudu ninia servisu ne’ebé di’ak tan ne’e mak sempre manan premiu husi Konsellu Imprensa.

Prezidente Repúblika hato’o kestaun ne’e relasiona ho ezistensia Jornal INDEPENDENTE ba tinan 13 ne’ebé sei monu iha 4 Abril tinan ida ne’e.

“Parabéns ba imi, kontinua nafatin imi-nia servisu. Tanba imi sempre manan premiu husi Konsellu Imprensa ne’e hatudu imi-nia servisu di’ak,” dehan PR Horta, iha Timor Plaza, foin lalais.

Maske nune’e, PR Horta husu atu Jornal INDEPENDENTE labele kritika demais, maibé tenke hanoin mós pozitivu.

“Labele kritika demais, mak imi stress hetan stroke, maibé tenke hanoin mós pozitivu laos buat hotu-hotu negativu de’it,” dehan Xefe Estadu ne’e.

Tuir Laureadu Nobel da Paz ne’e, Jornal sira públika notisia negativu ne’e atu kria de’it kontraversaun. Ida ne’e hanesan estratejia atu ema bele sosa jornal.

“Hanesan iha kontraversial ruma ema sosa jornál, mais ha’u la liga liu. Importante ba jornál ho opiniaun oioin di’ak ba ita-nia demokrásia tanba liberdade imprensa iha Timor sagradu. Dala-ruma ita la gosta, ha’u mós bele la gosta, mais ne’e normál. Buat balun ha’u hatete ema mós la gosta kuantu mais jornál ida koalia, mais parabéns ba imi,” dehan Xefe Estadu ne’e.

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30