Embaixadór Estadus Unidus Amerika iha Timor-Leste, Kevin Blackstone,hatete,  apoia ne’e liu husi United Stateds Agensy International Development (USAID) atu tulun komunidade sira iha área rurál ne’ebé presiza, liuliu atu rekupera vítima inundasaun sira-nia kondisaun.

“Ami kontente fó apoiu adisionál, liuhosi USAID, ba ema sira ne’ebé presiza liuliu ema sira iha área rurál. Atividade Rekuperasaun hosi Siklone Seroja iha Timor-Leste iha durasaun fulan neen ho fundu dólar amerikanu $900.000 sei ajuda Governu Timor-Leste hodi fó apoiu rekuperasaun hafoin inundasaun iha munisípiu sira. Ami fó ona apoiu balu ba povu Timor-Leste hafoin inundasaun, maibé Governu Timor-Leste identifika ona nesesidade adisionál sira, no barak liután iha ita bele halo ba família sira liuliu agrikultór sira iha área remota,”dehan Embaixadór Kevin, iha komunikadu ne’ebé Online INDEPENDENTE asesu, sesta (09/7).

Entretantu, Vise Ministru Interiór, Antonio Arminido lori Governu nia naran hato’o agradesimentu wa’in ba Governu Amérika.

Enkuaantu, fundu foun dolar amerikanu $900.000 ne’e nu’udar parte ida husi USAID nia apoiu inisiál dolar amerikanu $100.000 ba apoia sokoru iha loron sira dahuluk inundasaun nian.

Nune’e, USAID nia apoia totál dólar amerikanu millaun ida ($1000.000) mak fó ba Governu Timor-Leste hodi tulun iha asisténsia umanitária.

Asistente Editor: Saturnina da Costa