Business Hub ne’e, atu apoia feto foin-sa’e hamutuk na’in 20, hodi hadi’ak liután sira nia abilidade emprezaria no planu negósiu liuhusi EUA state of art nia módulu formasaun negósiu ho naran “Dream Builder” ka Harii na’in ba Mehi ne’ebé dezenvolve husi Universidade Estadu Arizona.

“Fatin negósiu business hub ida ne’e, sei tulun hodi fó dalan ba emprezariu potensiu sira hodi dezenvolve sira nia idea no apoia malu iha fatin seguru ida ba kreximentu pesoál,” dehan Enkaregadu Daley iha ninia diskursu bainhira loke serimónia refere.

“Estadus Unidus komprometidu ba apoia feto Timoroan sira ba hala’o sira nia futuru iha sira nia liman rasik no mehi hodi lidera negósiu ne’ebé sei muda ema nia moris ba di’ak liutan.”  

Entretantu, ho totál orsamentu finanseirru $45,000, EUA apoia ona CCI-TL hodi estabelese fatin business hub ida, lansa formasaun emprezaria nian liuhusi módulu Dream Builder ba poténsiu emprezaria hamutuk 20 no fornese osan fini ba apoia sira nia negósiu ne’ebé iha potensiu di’ak.

Ho nune’e, tinan ida ne’e nu’udar tinan daruak mak Estadus Unidus apoia ona programa Akademia ba Feto Emprezaria, involve mós feto vulneravel sira, feto ho defisiénsia sira no membru komunidade LGBTQI+.

Enkuantu, iha faze primeiru ba akademia ne’e, fornese ona ba feto foin-sa’e hamutuk 30 inklui foin-sa’e feto emprezaria sira no konklui ona formasaun faze dahuluk iha inísiu tinan 2022.