Nia dehan, estudante sira ne’ebé hetan ona subsidiu husi Governu mak rejistu ona liu husi Ministériu Ensinu Superior Siensia no Kultura (MESSK).
“Ami ezekuta ona orsamentu hamutuk dolar amerikanu $335.937,050, ba estudante na’in 2.992 ne’ebé rejistu ona,”dehan nia ba Online INDEPENDENTE, kinta ne’e (19/08).
Orsamentu ne’ebé MESSK aloka ba UNDIL hamutuk dolar amerikanu $622.277,050.
Vise-Retór ne’e dehan, alokasaun orsamentu tuir estudante ida-idak nia grau, ezemplo hanesan, fakuldade siensia saúde iha Departamentu Infermazen Jeral no Dentaria nian.
Kada estudante hetan dolar amerikanu $150 no ba fakuldade sira seluk balun hetan dolar amerikanu $115 no $130.
Iha sorin seluk, Senadu Jeral Anselmo Nicolao Freitas Ximenes, agradese ba Governu ne’ebé apoia ona subsidiu ba sira, nune’e bele hakman sira nia difikuldade iha situasaun estadu emerjensia no serka sanitaria.
Asistente Editor: Saturnina da Costa
