Diretór Depatamentu Mekanika Mario Marques Cabral hatete, estudante Mekanika durante fulan ida semana ida konsege remata harii kapela foun hodi entrega ba komunidade sira.
"Estudante Enjeñaria Mekanika Inaugura kapela Ohin (sesta) konsege konstrui ba komunidade suku serelau liu-liu iha Buihomau" dehan nia ba Jornalista Sira iha Buihomau Sesta (25/08).
Totál Orsamentu ne'ebé kada estudante sira kontrui hodi halo konstrusaun foun kapela hamutuk rihun $6 hodi sosa matérial hanesan, besi Kotak,kalen,pegu, batako,sumenti no sasan sira seluk.
Nia dehan,Orsamentu ne'e Laos apoiu husi UNTL ka Emprezáriu ruma maibé ne'e kontribuisaun estudante sira nian hodi halao servisu komunitáriu kapela foun ba komunidade suku serelaun ne'ebé durante ne'e laiha kapela.
"Ne'ebé ha'u nia mensajen ba sarani sira serelau ne'ebe utiliza kapela ida ne'e ho kuidadu para ema hotu-hotu mai hahí nain jesus kristu"dehan nia.
Nune'e komunidade tenke tau matan hodi halo lutu haleu kapela atu animal sira labele estraga, tanba estudante sira ne'ebé konstrui hamutuk 23 inklui feto nain tolu esforsu makaas konsege remata iha fulan ida nia laran.
Iha Fatin hanesan Xefe Suku Sereleau Deonizio Soares hatete,komunidade Suku Serelau agradese ba estudante UNTL liu-liu Departamente Mekánika ne'ebé konstrui kapela foun ba suku serelau.
"ami sente orgulu tebtebes kapela ne'ebé oferese husi Estudante Mekanika hanesan grasa maromak nian ne'ebé malk halao sira nia estajiu"dehan nia.
Tanba Valor ne'ebé estudante sira buka liu husi servisu komunitáriu komunidade sira mak hetan valor rejultadu husi servisu komunitáriu ne'ebé durante fulan ida resin iha suku serelau.
Tanba ne'e,Autoridade Lokál sei organiza komunidade sira hotu ho urjente halo lutu haleu kapela atu animal labele estraga embiente no kuidadu bele dura ba tempu naruk.
Amo Paroquia Cristo Rei Lautem,Padre Pascoal Natalino Soares agradese tanba estudante sira bele konstrui tan kapela foun ba komunidade sira ho medida 12×7.
Tanba Lolos igreja mak halo maibé inisitiva ne'ebé husi UNTL ho estrutura Fakuldade Enjeñaria Departamentu Mekanika bele konstrui ona.
Tanba ne'e Amo Paroquia Lautem agradese ba Estudante nain 23 ho orasaun bele akompaña nafatin iha prosesu estudu nian to'o remata.