Tanba ne’e, fasilidade saúde hotu-hotu tenke utiliza no maneza didi’ak estoke ne’ebé sei sufisiente hela iha ida-idak nia fatin.
Diretór Ezekutivu SAMES, Santana Martins hateten, estoke abate no malation iha armazen SAMES mamuk, maibé la’ós estoke out iha fasilidade saúde sira, tanba produtu ne’ebé mak hetan doasaun, Diresaun Nasionál Saúde Públika foti tau iha sira nia fatin hodi jere ba distribuisaun.
“Maske to’o agora ita nia estoke mamuk, seidauk iha feedback ida mai katak estoke iha kada fasilidade saúde ne’e mamuk ona, tanba ne’e husu fasilidade sira hotu atu jere ho didia’ak,” nia hateten iha Hotel Timor, Kinta (17/03).
Relasiona ho produtu kimiku ne’ebé Governu liu husi MS halo kompras, to’o ohin loron seidauk tama mai rai laran, tanba de’it difikuldade husi transportasaun ró.
Maibé, dokumentu ne’ebé antes SAMES simu husi parte transporte ró nian, tenke atraka mai iha loron 15 Marsu, maibé depois simu fali dokumentu bilofleding ne’e hatudu fila fali katak, iha loron 19 Marsu ne’e mak foin bele atraka iha portu Dili.
Maneira seluk mós daudaun ne’e SAMES halo hela prosesu komunikasaun ba aprozioamentu husiMinistériu Saúde atu bele asegura tan prosesu aprozionamentu, nune’e bainhira estoke ne’ebé daudaun iha fasilidade saúde sira tamabele asegura tan, liu-liu prepara ba fulan Novermbru-Dezembru.
Totál malation ne’ebé Governu kompras hamutuk hotu 1.600 litru no abate 1.000 kilo, ho esforsu hirak ne’e SAMES haree no hala’o hela, espera iha loron ne’ebé mak termina bele too duni.
Molok ne’e, Diretor Aprozionamentu SAMES, Francisco Borza informa, dadauk ne’e Dili hasoru hela surtu moras Dengue ninian, tanba ne’e iha 2021 SAMES halo prosesu akizasaun ba Abate ho Malation ne’ebé kompaña Australiaa manan ona, espera iha semana tolu ne’e nia laran produtu bele too ona iha rai laran hodi destribui ba fasilidade saúde sira.
Kuantifikasaun abate ne’ebé SAMES hola no sei tama iha semana tolu nia laran ne’e hamutuk 75 sakas no kada sakas iha kilo 25, nomos ba Malation ho forma likidu hamutuk 1.400 litrus, sira ne’e hotu mai iha bidon.
