Nia dehan, vítima dezastre 04 Abril 2021, molok ne’e Autoridade Protesaun Sivil rejista uma-kain rihun 5 mak afetadu, maibé iha rihun rua (2) resin hetan ona apoiu rekoperasaun no rihun rua resin mak seidauk, tanba okupa raí estadu no balun kontinua hela iha fatin risku.

"Vítima 04 Abril 2021 iha uma kain hamutuk rihun rua resin mak ita seidauk fó apoiu rekoperasaun, tanba okupa rai estadu no balun kontinua hela iha fatin risku, ida ne'e mak ita seidauk fó apoiu, maibé ita kontinua indentifika atu apoiu sira, maibé tenke hela iha rai ne'ebé estatutu klaru, la’ós iha fatin risku,”dehan nia ba Jornalista sira iha knar fatin, SEPS, Kaikoli, segunda (27/02).

Nia afirma, dekretu lei númeru 07/Protesaun Sivil iha artigu 09 relata, Estadu nia konsiderasaun apoia ba vitima dezastre sira, maibé iha pontu tolu (3) iha regalia balun rai ne'e tenke ninian.

Nune’e, iha futuru labele hetan dezastre inklui rai ne'e labele iha problema no tenki iha desizaunTribunal ho Terras Propriedade mak Protesaun Sivil bele fó apoiu rekoperasaun.

Tuir nia, bainhira Autoridade Protesaun Sivil la kumpre regalisa sira ne’ mak sei pena dubru tinan 6 no selu multa, enkuantu, sidadaun sira ne’ebé la kumpre lei refere sei hetan pena singular tinan nee (6).

Tanba ne'e, husu ba sidadaun sira ne'ebé okupa rai estadu no rai ne'ebé hetan risku tenke kopera atu labele hetan regalias sira ne'e iha futuru.

Aleinde, nia dehan, ba vitima uma-kain 49 iha RAEOA ne’ebé pendente seidauk hetan apoia rekoperasaun ne’e, APC sei verifika nia regalias sira, hafoin bele fó apoiu.

Entretantu, ba vitima dezastre naturais sira, APC pronto fó apoiu durante oras 24 nia laran, maibé kona ba rekoperasaun ne'e presiza halo verifikasaun didiak.