Kestaun ne’e hato’o, bainhira Prezidente Empreza Global Industriál Group, Michael Francis ho ekipa hasoru malu ho Primeiru Ministru Taur Matan Ruak, iha Rezidensia Ofisiál Faról-Dili.
Tuir komunikadu ne'ebe Online INDEPENDENTE asesu, Prezidente Empreza Global Industriál Group, Michael Francis, sente kontente no onradu bele iha oportunidade hasoru Xefe Governu ne’ebé sira tenta kleru tebes ona, atu hato’o empreza nia intrese halo investimentu iha Timor-Leste.
“Ohin ami ko’alia ho Primeiru-Ministru atu mai Investe iha Timor-Leste nia hanesan Primeiru-Ministru konkorda tanba kompañia atu mai hala’o operasaun iha ne’e, iha kualkér altura Governu Timor-Leste oferese duni apoiu no espera fulan tolu nia laran komesa ona, sorte boot hasoru Sr. Primeiru-Ministru tanba tenta ona tinan hira nia laran agora mak foin hetan dalan moos uitoan, mai ko’alia ho Primeiru-Ministru tanba atu fó servisu ba maluk sira prinsipalmente joven sira iha Timor-Leste,” dehan nia bainhira remata audensia ho PM, iha Rezidensia Farol Dili, kuarta ne’e (31/08).
Na’in Empreza Global Industriál Group ne’e haktuir, investimentu ne’ebé sira nia empreza hakarak halo iha Timor-Leste mak hanesan iha área agrikultura no hortikultura, hakiak manu, industria serveja, indústria halo ró Peskas no ró seguransa ba PNTL.
Entretantu, iha oportunidade ne’e, Xefe Governu, sente kontente no fó bem-vindu ba inisiativa Empreza Global Industriál Group ne’ebé iha intrese eskolla Timor-Leste atu halo investimentu iha nasaun refere. Nune’e, hodi loke kampu traballu ba timoroan sira.
PM dehan, nu’udar Primeiru-Ministru sei halo esforsu kria kondisaun hodi bele fasilita investidór sira husi rai li’ur ne’ebé hakarak investe iha Timor-Leste.
