“Ita-nia joven foin-sa’e barak maka halai hotu ba iha rai-li’ur tanba kampu traballu iha rai-laran la sufisiente hamosu dezempregu, joven barak mak toba iha jardin laran halerik ba-mai, maibé embasada iha neeba finze matan delek, laiha asaun hodi lakoi ajuda,” dehan nia, iha Xanana Reading Room, Sesta (19/8).

Nia hato’o, embaixada Timor nian iha Portugal laiha hanoin ruma atu foti medida, joven barak mak namkari iha Portugal ne’eba, maski sira hasoru difikuldade maibé embaixada la preokupa.

Nia konsidera, preokuapsaun sira nee hotu mosu tanba, sidadaun siviku sira hili sala lideres husi partidu neebé sala, tanba Timor Leste nafatin enfrenta dezemprezu maka domina liu duke  empregu.

“Joven mak hanesan azente tranformador, tenke haree no uza poder tomak iha momentu elisaun hodi fo fiar ba ema ida, se vota ba ema ida maibé iha tinan lima nia laran lahalo buat ida maka, imi vota sala,” hatoo nia.

Tanba ne’e, nia husu se atu dezenvolve nasaun Timor ba oin Joven labele namkari ba mai maka, tenke uza ooportunidade iha estudu, organizasaun, movimentu, konsellu, organiza malu atu haree buat hotu ho prespetiva. 

Molok ne’e, Prezidente  Konfederasaun Sindikatu Traballador Timor-Leste (KSTL), Almério Vila Nova hateten, relasiona ho Joventude lubuk ida ne’ebé oras nee dadauk ba buka servisu iha Europa nee tanba nesesidade mak obriga inklui problema dezenpregu iha rai laran makaas tebes.

Tanba, bainhira ita kompara mos ho númeru fosa laborar neebé mak kada tinan ramata husi ensinu sekundaria no graduadu ho númeru neebé boot tebes hahú husi rihun 19-20, no merkadu servisu iha rai laran kompara ho númeru fosa laboral menus tebetebes.

“Ho ida ne’e mak, ita-nia joventude sira barak mak lahetan oportunidade no hili liu dalan ba buka moris iha ema nia rain atu hadia sira nia moris tanba, iha ita nia rai laran konsidera kondisaun salariu rendimentu ita simu husi servisu nee laabsolve ita nia nesesidade fulan ida nia laran,” dehan nia, hafoin akompaña traballador halao julgamentu kontinuasaun, iha TDD, Sesa (05/08).

Nia hatutan, salariu minimun nee signifika, dook teb-tebes husi espetasaun moris povu nian, ida nee dook teb-tebes inflasaun tinan nee sae bebeik ita nia rendimentu mantein nafatin entau balansu moris nee lahanesan ona.

Enkuantu nia hatoo, tuir rezultadu pesika tinan 2015-2016 KSTL identifika, pursentu 11 joven dezenpregu, maibé tuir nia fiar katak, hafoin tinan barak nia laran anúmeru dezenpregu kontinua aumenta ba bebeik ho númeru aas tebes.

Enkuantu, Joventude barak neebé abandonadu hela iha Portugal, toba iha jardim públiku portugal neeba, entau problema maka estadu Timor-Leste nia reprezentante liu husi embasadaor TL iha portugal  tenke foti asaun ruma hodi buka solusaun provijoriu ba juventude Timoroan sira.

Prezidente KSTL nee husu, labele husik sira, tanba sira mos hola parte iha naran diak nasaun Timor-Leste nian, se bele provijoriamente buka tok fatin seguru ruma iha embasada nia fatin atu bele akumula no asegura juventude lubuk neebé seidauk sai husi sira nia problema.

“Liu-liu Governu tenke halo kontrola ba iha azensia sira, tanba ita hakarak Governu epregu exterior tenke bazeia ba kooperasaun Governu ho Governu atu bele minimiza potensia risku sira neebé bele akontese,” hatoo nia.

Se Governu lakon kontrolu, ida nee bele prezudika joven  lubuk ida inklui problema trafiku humanu, tanba ita lahatene, tanba nee Governu hapra azensia sira no foti medidas neebé rigorozu atu prevene situasaun risku sira neebé bele akontese ba ita nia Juventude sira iha fatin destinasaun.

Ita hatene, timoroan neebé ba servisu iha eropa, laos sidadaun Timorleste, maibé ba hanesan sisdadaun Portugal entau sira nia direitu no estatutu nee hanesan ho sidadaun europa sira seluk.

Maibé problema maka, sira neebé ba ho pasaporte TL nian, sitausaun ida nee akontese bebeik Governu tenke kuidadau, haree didiak situasaun nee, tanba númeru juventude forsa laboral nee barak tebes, se ema hotu-hotu desloka ba iha neaba bele kria problema boot iha ema nia nasaun.

“Governu labele nonok deit, kria kondisaun labele depende deit ba iha progarma empregu exterior sem kria kondisaun iha ita nia ran, ita laiha hanoin ka politika ida atu investe iha ita nia rain, ida nee mak sai problema boot ida,” tenik nia.