“Programa sesta bázika halo implementasaun iha tinan kotuk no dadauk ne’e finaliza ona, maibé iha lista reklamantes ne’ebé pendente hela hamutuk rihun 25 resin,”dehan nia iha salaun FONGTIL, Kaikoli Dili, segunda ohin (16/08).
Tanba ne’e, ekipa ba programa sesta bázika hamutuk ho MAKE halo hela planu, nune’e sei resolve lista reklamante sira iha tempu badak nia laran.
Enkuantu, tuir dadus total populasaun hamutuk 1.454.246 mak simu ona sesta bázika.
Entretantu, Diretór Ezekutivu Forum Organizaun Naun Governamental Timor-Leste (FONGTIL), Daniel Santos do Carmo hatete, ekipa sosiedade sivil sira halo monotorizasaun ba programa sesta bázika deskobre kualidade no kuantidade folin sasan latuir programa Governu nian.
“Husi relatoriu monotorizasaun ba implementasaun sesta básika ita deskobre buat rua hanesan, pakote sasan iha bote ne'e nia kuantidade ho nia kualidade la hanesan, tanba sa ita dehan ninia kuatidade no kualidade la hanesan, tanba sasan sira tau iha pakote mais la sura nia kilo no mós kompaña hasa’e folin sasan,”dehan Daniel.
Tanba ne’e, nia rekomenda ba Governu no mós ekipa ba implementasaun programa sesta bázika atu hadia mekanismu sira ne’e.
Asistente Editor: Saturnina da Costa
