“Sidadaun mane ho idade 60 hela iha Dili, diagnostikadu iha loron 15 fulan-Agostus tinan 2021, ho sindroma insufisiénsia respiratória aguda (SIRA) tanba Covid-19 (Teste PCR nia resultadu pozitivu, Cycle Threshold: E gene 30,4). Metebian iha istória insufisiénsia renal krónika (estádio terminal), no hala’o hemodiálize semana ida dala rua. Matebian iha mós istória ipertensaun arterial ho diabetes,”dehan nia iha komunikadu segunda ne’e (16/08).
Nune’e, transfere ba Vera Crus iha oras 14:00 no hala’o tratamentu tuir protokolu tratamentu ba Covid-19. Maiz ou menus iha oras 17:30 loron 15 Fulan-Agostu, matebian hakotu iis tanba multiple organ failure. Teste PCR hafoin iis-kotu nafatin pozitivu (CT E gene 31,3).
Familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Aleinde, iha mós mane ida tan ho idade 76, hela iha Dili, diagnostikadu iha loron 14 fulan-Agostu tinan 2021, ho sindroma insufisiénsia respiratória aguda (SIRA) tan bá Covid-19 (Teste PCR nia resultadu pozitivu, Cycle Threshold: E gene 23,3). Transfere ba Vera Cruz iha loron ne’e kedas, no hala’o tratamentu, tuir protokolu tratamentu ba Covid-19. Maiz ou menus iha oras 19:00 loron 15 fulan-Agostu, matebian hakotu iis, tanba tromboembolizmu pulmonar.
Teste PCR hafoin iis-kotu nafatin pozitivu (CT E gene 12,2). Familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Entretantu, iha mós feto ida ho idade 63 hela iha Dili, diagnostikadu iha loron 12 fulan-Agostu tinan 2021, ho sindroma insufisiénsia respiratória aguda (SIRA) tanba Covid-19 (Teste PCR nia resultadu pozitivu, Cycle Threshold: E gene 21).
Metebian iha istória moras leusemia ho anemia grave. Transfere ba Vera Cruz iha loron ne’e kedas, no hala’o tratamentu, tuir protokolu tratamentu ba Covid-19. Maiz ou menus ohin (16/08) dader oras 5:30 matebian hakotu iis tanba parajem cardioresporatória.
Teste PCR hafoin iis-kotu nafatin pozitivu (CT E gene 24,4). Familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Enkuantu tuir dadus, ema ne’ebé mate ho Covid-19 hamutuk na’in 33 kompostu husi mane 21 na’in no feto 12.
Ho nune’e, kazu foun Covid-19 ohin (16/08) hamutuk 117, husi Dili na’in 68, Covalima 15, RAEOA 10, Bobonaro 3, Aileu 6, Ainaro 3, Likisa 6, Manufahi 5 no Vikeke 1.
Rui esplika, husi kazu sira ne’e hotu iha na’in 79 ka 67% mak hetan sintomas.
Pasiente rekuperadu ohin hamutuk na’in 41 no kazu ativu iha izolamentu hamutuk 2.141.
Enkuantu total komulativu kazu hamutuk na’in 12.682.
Husi horiseik mai ohin teste ne'ebé mak Laboratóriu Nasionál Saúde halo hamutuk 323 PCR, ho detallu hanesan, vijilansia sentinela 25, contact tracing 80, random screening 69, viajen sai husi serka sanitaria Dili 106 no follow up iha kuarentena na’in 43.
Total teste PCR ne’ebé halo iha Munisipiu sira seluk, RAEOA no HNGV hamutuk 210. Nune’e iha izolamentu Vera Crus ohin halo tratamentu ba kazu detetadu hamutuk na’in 41.
Asistente Editor: Saturnina da Costa
