Diretora Ezekutiva Servisu Migrasaun, Superintendente Xefe Polísia Natercia Martins, esplika kazu ne’e sai viral iha mídia sosiál iha Domingu (22 Fevereiru), no nia gabinete forma kedas ekipa hodi akompaña no halibur informasaun.
“Ami forma ona ekipa ida hodi hahú halo prosesu ida ne'e depois prosesu ne'e nia rohan ami sei komunika fila fali ba públiku par atu bele akompaña,” dehan Komandante Natercia ba jornalista sira iha nia kna'ar-fatin, Vila Verde, Segunda (23/02).
Tuir relatóriu husi Servisu Migrsaun iha postu Fronteira Batugade katak pesoal suspeita komete duni aktu iregularidade ne'e
"Sé nia komete duni aktu iregularidade ne'e, iha lei par atu prosesa nia aktu sira ne'e. Maibé karik iha evidensia sira ne'ebé mak ita hetan mak laiha indisiu, ita mós kontinua informa ba públiku,” dehan nia.
Iha fatin ketak, Ministru Interiór (MI), Francisco da Costa Guterres hatete, prosesu investigasaun la'o hela no bainhira hetan faktus loloos sei fó sansaun.
"Prosesu investigasaun la'o hela, ita tenke foti medidas hasoru nia, tuir loloos señora oan ne'e ita deporta nia no sei bandu nia la bele tama tan mai Timor-Leste, tanba ninia pasaporte mate.”
Agora servisu migrasaun halo hela investigasaun ba ida ne'e depois mak sira relata mai ita haree took," dehan Ministru Francisco, iha Ministériu Finansas (MF), Segunda (23/02).
