"Ba oin mak tenke hare politika governu nian i  implementasaun programa governu nian, tenke tane aas komunidade ne'ebé ho kondisaun defisiensia,”dehan nia ba jornalista sira, hafoin halo vizita ba iha Asosiasaun Defisiensia Matan Timor-Leste (AHMDTL), Manleuana, kinta horseik (31/03).

José Ramos Horta rekoñese, ema ho defisiensia barak mak laiha fasilidade ba sira aan liu-liu ba sira neebé defisiesia fiziku, problema ida mak motor laiha atu apoiu ba sira.

Nunee, haree situasaun sira hanesan, governu presiza haree hodi apoiu.

Tanba, nia dehan, ema mak defisiensia maibé sira nia pensamentu nee nakonu ho esperensia ne’ebé matenek.

"EhD iha difikuldade oin-oin, hanesan matan, tilun, la'o nian, tantu ne'e la'os hanesan problema bo'ot ida, tanba ne'e governu tenke haree oinsa tane sira, para bele kontribui ba dezenvolvimentu nasional,”tenik nia.

Tanba nee, tuir Horta, bainhira povu fó fiar eleitu nuudar Prezidente Republika, nia sei koalia ho governu atu haree mós nutrisaun ba ema ho defisiensia, liu-liu seguransa aihan ba sira.

Aleinde, Horta mós sei koalia ho governu atu tau mós importansia ba asuntu edukasaun no saúde.

"Ita hakarak garante EhD moris diak, tenke halo mós tratamentu saúde ba sira no haree kondisaun fatin ne'ebé sira hela bá, tanba barak, sena malu iha fatin ne'e, no laiha hijiene no kondisaun sira han hemu nian,"haktuir Horta.

Ho nunee, nia dehan, sei haree hodi propoin ba governu atu kria fatin ba joven sira nba joven sira no mós ema ho defisiensia sira.

Entretantu, iha vizita nee, José Ramos Horta mós oferese fasilidade balun hanesan, ventuiña kaixa rua ba iha AHDMTL.

"Ha'u vizita ne'e atu entrega de'it ventuiña oan ruma, tanba antes ne'e, ha'u vizita tiha hodi promete ba sira atu oferese ventuiña ba sira, ohin (31/03) ha'u mai fó ba sira, ne'e hanesan simples de'it, no ha'u promete sei oferese tan kama ba sira," hakotu nia.