Nia dehan, eskola sira kada tinan lima (5) simu livru dala ida, tanba ne'e bainhira livru sira aat hotu, entaun livru menus tebes hodi fasilita mestri ba prosesu aprendizajen ba estudante sira.
"Mestri sira hetan livru tinan haat ou lima dala ida, entaun livru sira ne'ebé uluk iha, aat no naklés hotu ona, tanba ne'e livru agora la iha,” dehan nia ba Online INDEPENDENTE iha knar fatin EBC Vila-Maumeta, kuarta (15/03.
Diretór ne’e hatutan, tuir lolos kada tinan, diretór eskola sira tenki hato’o ba iha Ministeriu Edukasaun Juventude no Desportu (MEJD) ba kada tinan eskola presiza livru hira, atu nune’e Ministeriu Edukasaun bele rezolve lalais.
Nia akresente, ba eskola refere livru ba materia sira ne’ebé laiha mak hanesan, portugés, matemátika, istória no jeografia.
Tanba ne’e, Diretór eskola refere espera katak iha tinan oin servisu edukasaun munispal bele rezolve, ona atu nune'e buat hotu labele falta iha eskola.
