Diretór EBC, Sergio Vieira de Mello, Gregório de Carvalho hatete, profesór ne'ebé mak atinje ona idade tinan 65 ba leten iha tiha ona despaxu husi EBC Sergio Vieira de Mello, no sentru mak ema na'in-5.

"Iha na'in 2 sira ne'ebé idade duni atu reforma no sira na'in 3 moras tinan 4 ka 5 ona no balun mós moras to'o tinan 6 ne'ebé sira ne'e labele hala'o sira nia funsaun nu'udar profesór, entaun sira mos tama hotu ba reforma ne'e obrigatóriu ne'e," Diretór Gregório de Carvalho, ba Jornalista  INDEPENDENTE iha nia kna'ar fatin semana kotuk ne’e.

Nia hatutan, eskola filial sira iha profesór reforma hanesan EBF Aituri-Laran nai'n 10 no mós EBF paiol na'in 10, EBF Taur Matan Ruak na'in 5, EBF Mota Ulun mos na'in 8 husi sentru EBC Sergio Vieira de Mello.

Entretantu, sira nia dokumentus kompleta ona iha 2026 lahal.a’oona knar nu’udar profesór.

"Sira nia ezijensia sira nia pensaun ne'e ita nia ministériu agora trata dadaun ona ho Diresaun Nasional Seguransa Sosial (DNSS) sira mak trata sira nia pensaun,” nia haktuir.

EBC Sergio Vieira de Mello iha nia filial 5 mak hanesan EBF Aituri-Laran, EBF Taur Matan Ruak, EBF Educação Inklizivu Taibesi no EBF Piol Lahane Ocidental .

"Iha estudante hamutuk 3538 ne'e husi EBC ho nia filial sira hotu.”

EBC Sergio Vieira de Mello estudante na'in-991, EBF Aituri-Laran na'in -109, EBF Taur Matan Ruak na'in-410, EBFEdukasaun Inklizivu Taibesi na'in-33 EBF Mota Ulun na'in-538, EBF Paiol Lahane Ocidental na'in-551, no dadaun ne’e profesór sira ne'ebé mak hanorin iha EBC Sergio Vieira de Mello na'in-53.

"Hanesan dirijente eskola Dr. Sergio Vieira de Mello hakarak rekomenda ba Ministerio Edukasaun no Diresaun Nasional Seguransa Sosial (DNSS) atu bele fasilita ita nia profesór sira ne'ebé mak tinan barak ona hala'o sira kna'ar nu'udar funsaun públiku, nu'udar profesór sira hetan pensaun ne'ebé mak dignu hanesan ita babain rona tiha ona hanesan Diresaun Nasional Seguransa Sosial katak ita reforma ho dignidade," nia realsa.