Objetivu hosi sensibilizasaun ne’e atu fó hanoin ba ema hotu labele halo diskriminasaun ba ema ho defisiénsia iha Timor-Leste (TL).
“Liu husi sensibilizasaun ne’e ema hotu bele kontribui ba politika nasionál ema ho defisiénsia sira. Ida ne’e mak ita sei halo sensibilizasaun hodi fó hanoin ba komunidade atu labele halo diskriminasaun ba ita nia maluk defisiente-sira,” Diretor Nasional DNPDED, Mateus da Silva, hateten iha Salaun MSSI, Kaikoli, Sesta (10/09).
Sensibilizasaun ne’e la’ós iha munisipiu Likisá de’it maibé sei hala’o iha munisipiu 12 inklui RAEOA, nune’e komunidade bele hatene kle’an liu tan politika nasional ema ho defisiénsia.
Nune’e mós Administrador Postu-administrativu Bazartete, munisipiu Likisá, João Nascimento Braz, hateten maluk defisiente-sira ne’ebé to’o agora seidauk assesu ba edukasaun inkluziva, labele sennte katak sira iha kotuk tanba ema ida sei la ignora sidadaun ida iha kotuk.
