“Se ami la fó apoiu ami bulak fali ona, kuandu la apoiu estrutura partidu nian ne'ebé tuur iha VIII Governu ne'e, atu nune'e sira servisu ho di’ak,”nia sublina.

Presidente partidu KHUNTO, Armanda Berta ho nia membru sira seluk sei kontinua involve iha VIII Governu Konstitusionál maski koligasaun anterior ne’ebé lidera husi Kay Rala Xanana Gusmão monu ona.

Deputadu Luis dehan, lakohi fila kotuk ba estrutura Partidu nian ne’ebé involve iha VIII Governu Konstitusionál liliu nia Presidente ne’ebé kaer kargu Ministra Solidariedade Sosial.

“Pozisaun KHUNTO nian hakarak ko’alia ba públiku katak VIII Governu ne'e ami nia Partidu KHUNTO iha laran, inklui ami nia Prezidente partidu nian, ami tenke apoiu,”nia hateten.

Tanba ne’e membru Deputadu Partidu KHUNTO tuur iha Parlamentu Nasionál tanke apoiu ba interese nasaun.

Tuir Deputadu KHUNTO, katak loloos CNRT mos tenke apoiu hotu, tanba sira membru mos iha VIII Governu nia laran hanesan tuir politika loloos.

Atuál Vise-Prezidente Parlamentu Nasionál husu partidu politiku hotu-hotu tenke apoiu malu atu nune'e bele responde di’ak ba COVID-19 ne'e, atu  nune'e iha futuru bele kria fali estabilidade ekonomiku iha rai laran.