Tuir Portavoz SIJK Dr. Rui Maria de Araujo hateten, dadú kazu konfirmadu COVID-19 iha Timor-Leste ba loron ohin nian, ema sira ne’ebé iha konfinamentu obrigatoriu hamutuk na’in 432, Pasa ka liu ona loron 14 iha kuarentena hamutuk na’in 1643.

Kazu atual COVID-19 ba loron ohin suspeitu hamutuk 382, provavel iha na’in lima, negativu 397.

“Total Kazu konfirmadu ba loron ohin nian nafatin la iha mudansa, hein rezultadu labotatoriu hamutuk 28,”dehan nia, liu husi Konferensia Impresa, iha CCD, ohin.

Rui hateten, númeru kofirmadu 23 ne’e na’in ida maka rekopera, agora sira ne’ebé ohin loron iha sala izolamentu vera kruz sei sei halo fali teste laboratoriu dala rua iha teste ne’e hatidu negativu dala rua bele alta ona.

 Nia esplika, kazu konformadu no provavel iha Timor sei nafatin restritu ka grupu neen, iha Hotel Kautuas, Hotel Novu Horizonte, Hotel Fortuna, aumenta grupu foun rua, husi Hotel Lesidere, no grupu professor sira iha Likisa.

Ba sira ne’ebé ohin loron sai ona pozirivu to’o oras ne’e sira nia kondisaun diak hela, mediku no espesialista sira oras ne’e kontinua akompana hela sira.

Husu nafatin ba sidadaun hotu iha Timor laran tomak atu kontinua kumpre regra ne’ebé maka Organizasaun Saúde Mundial (OMS), fó sai ona katak, tenke fase liman bei-beik ho sabaun, kumpre distansia sosial no fiziku.