Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Rui Maria de Araujo hatete, kazu foun ne’ebé relata ohin iha Kapital Dili hamutuk 182, Baucau 11, Bobonaro 6, Covalima 5, Aileu 3, Ainaro 2, Likisa 2, Ermera 1 no Vikeke 1.

“Husi kazu foun ohin iha mane na’in 124 no feto 89. Sira ne’ebé ho idade 12 mai kraik iha na’in 1, idade 12-59 na’in 204 no idade 60 iha na’in 9,”dehan nia liu husi komunikadu, kinta ohin (27/5).

Total kazu detetadu foun ohin proporsaun kazu sintomátiku hamutuk pursentu 9,3.

Komulativu kazu konfirmadu sura husi loron 21 fulan-Marsu tinan 2020 to’o loron 21 fulan-Maiu tinan 2021 hamutuk 6,459.

Husi horiseik (26/05) mai ohin (27/05) teste PCR ne'ebé Laboratóriu Nasionál Saúde halo hamutuk 1,604 ne’ebé kompostu husi, Vijilánsia sentinela 84, Contact tracing 188, Random Screening 287, Viájen sai husi serka sanitária husi Dili 729,Viájen internasionál 290 no Follow up iha kuarentena 31.

Totál testes PCR ne’ebé halo horiseik (26/05) iha Munisipiu sira seluk, RAEOA no HNGV hamutuk 691, ne’ebé kompostu husi, Baucau 113, Ermera 106, Maubisse 160, RAEOA 2, Suai 80, Vikeke 49 no HNGV 117.

Informasaun iha Izolamentu Vera Cruz ohin halo tratamentu ba kazu detetadu na’in 41.

Asistente Editor: Saturnina da Costa