"Ba sira defisiensia sira ne’ebé defisiensia ba matan, ain, no seluk tan, dadaun ne'e CNE deskute ona par eleisaun agora nomos parlamentar mai la’os ema ruma mak lori, maibé ekipamentu mak bele ajuda sira para bele ejerse sira nia direitu votu ho rasional,"dehan Prezidente  CNE, Agostinho Belo ba jornalista sira iha Timor Plaza, suai room, segunda (11/04).

Nia afirma katak, direitu votu ba ema ho defisiensia iha eleisaun importante tebes.

Tanba ne’e, CNE sei esforsu makaas ba ema ho defisiensia sira ba iha fatin eleisaun hodi ezerse sira nia direitu ho seguru.

Entretantu CNE ho Sekretariu Tekniku Administrasaun Eleitoral (STAE) mos halo ona avaliasaun ba eleisaun presidensial dahuluk nian. Husi avaliasaun ne’e, CNE ho STAE, sei halo preparasaun maximu ba segundu votasaun tenke di’ak liu.

Kona-ba sentru votasaun paralelu, Prezidente CNE, Agostinho Belo konfesa katak preparasaun seidauk maximu.

Nia dehan, sei mantein ho eleitór paralelu ne’ebé rejistu inisiu iha eleisaun presidensial dahuluk hamutuk 4.030.  

"Ba estudante no sidadaun sira balun karik seidauk rejista sira tenke hola parte no sei iha tempu oituan tanba Semana Santa laiha kampaña,   tanba ne'e importante ba sira halo sakrifisu oituan sira fila fali ba ida-idak nia moris fatin hodi ejerse sira nia votu,"dehan Prezidente CNE.