Diretor CNE Munisípiu Lautem, Anacleto Lopes hateten, CNE komprementa ba lei atu halo nia kompetensia suprevizaun ba Kampaña eleitorál.

Iha terrenu CNE halo suprevizaun ba kandidatura José Manuel Ramos Horta, prosesu subrevizaun ne’ebé CNE halo no nota katak prosesu la’o  tuir oras no regra prosedimentu sira ne’ebé lei hatuur.

“Ami-nia suprevizaun la hatudu insidensia ka ansidente ruma depois iha pertubasaun iha prosesu Kampaña sira, sira utiliza tempu tuir tempu, iha kalendariu oras 10 to’o oras 6:30, maibé foin to’o oras 5:30 sira bele termina ona sira-nia kampaña iha fatin ne’e,” tenik nia.

Nia dehan, tuir CNE nia rezultadu suprevizaun destaka ekipa sira iha tuku 5 hodi tau-matan ba prosesu kampana, liga ba involvimentu ho labarik.

“Haree husi involvimentu ne’e iha tipu rua, ida ne’ebé mak ekipa susesu sira mak organiza ka utiliza sira, ida seluk labarik sira ne’ebé mak hola parte iha tuir ami nia suprevizaun katak ho sira nia vontade rasik tanba espasu publiku ne’ebé  kandidatu  fatin kampana ne’e publiku tomak, entaun eventu sira hanesan ne’e, akumula ema barak, entaun labarik sira mai ho vontade rasik,” katak nia.