Enkuantu, Bispo ne’e hetan atakasaun moras fuan ona iha Munisipiu Kovalima iha loron 29 Outubru 2021, bainhira nia remata hala’o atividade rejiliozu balun iha ne’ebá, nune’e, mediku sira evakua kedas ba iha Óspital Suai.

Iha loron ne’e, kedas mediku na’in rua husi Dili ba Kovalima no iha loron 30 Outubru 2021, evakua kedas Amo Bispo ho aviaun ZEESM husi Kovalima mai Dili.

Tuir Diretór HNGV, Doutor Marcelo Correia hateten, durante ne'e Amo Bispo moras tensaun no mós moras fuan.

“Ami Bispo ne'e moras iha Kovalima no horseik (29/10) mediku na’in rua mak ba hasoru iha ne’ebá, no ohin akompaña Amo mai iha Dili, to’o iha aeroportu Amo Bispo hetan sok makas los no nia iis para tiha. Nue’e mediku sira lori mai iha HNGV maibé la konsege salva Amo nia vida,’dehan nia ba jornalista sira iha HNGV, sabado ne’e.

Tuir observasaun, Online INDEPENDENTE nia nota katak, dadaun ne'e Amu Bispu lori ona ba iha mortuariu hodi akompaña reza tersu, hafoin iha minutu minute balun tuir mai sei lori Amo Bispo nia isin mate ba igreja Katedral hodi halo misa.

Entretantu, komunidade, padre, madre no mós Polisia Nasiónal Timor-Leste (PNTL), hein hela atu akompaña Amo Bispo nia isin mate ba iha Igreja kategral.