Nia dehan, prosesu Ró Haksolok besik remata ona maibé depende ba PA foun atu kontinua.
"Ha'u remata tiha ona (mandatu) husik hela servisu ne'e (Ró Haksolok) atu halo audit bele, ró ne'e iha ne'ebá hela. Ha'u rejista katak Jeneral Lere ho Falur ba to'o ne'ebá, Ró ne'e atu hotu ona ita servisu balun ke ita depende ba servisu seluk ke portugés sira halo hanesan sira tenke halo rai henek sira besik-besik estaleiru ne'e para ró ne'e bele halo teste, entaun ita bele hatete se halo ezersisiu didi'ak ho prezidente foun bele mai lais liu tan" dehan Arsenio, iha Oekusi, Sesta (2/2).
Nia dehan, maski projetu Ró Haksolok la’ós nia mak asina kontraru maibé iha mandatu ninian esforsu atu konklui maibé la konsege to'o mandatu remata.
"Hanesan ha'u hatete ha'u hakarak ró ne'e mezmu projetu ne'e la’ós ha'u mak hahú, ha'u hakarak halo hotu servisu ne'e la hotu ha'u labele dehan buat ida, prezidente foun bele kontinua nia mandatu tinan lima tanba ha'u nia mandatu tinan tolu de'it atu halo hotu la konsege," dehan nia.
"Maibé ida seluk ne'e atu kontinua ne'e konforme sira nian kuandu ha'u mai foufoun ne'e ha'u hakarak mai lalais, ha'u mai tama foufoun iha 2020 pas iha Covid ema labele la’o mai halo komunikasaun ne'e susar," hateten Arsenio.
Nia dehan, sira tenta mantein servisu ne'e la konsege tanba Portugál rasik taka atu halo servisu lalais oituan ne'e labele.
"Ha'u ba iha 2022 atu haree buat ne'e oinsá no ha'u fiar katak buat ne'e la’o loos hela tanba kontratu ne'e nafatin," dehan nia.
Nia dehan, balun dehan TL gasta ona tokon US$ 30 ne'e laiha tanba kontratu mantein.
"Kontratu ne’ebé mak Primeriu Ministru atuál asina nia valor nafatin tokon Euro €14 nunka muda atu aumenta no hatun ne'e nunka muda nafatin hela de'it, ita so investa iha estaleiru ne'e uluk hansa kontratu ne’ebé iha," tenik Bano.
Maibé orsamentu ne’ebé iha tinan kotuk PA sesante husu iha PN ne'e atu halo estaleiru tanba iha verba atu haruka ema ba formasaun.
"Tinan kotuk ha'u hakerek karta ida ba Primeiru Ministru ba asuntu sira ne'e responde mós pergunta husi Konsellu Ministru kona-ba Ró Haksolok so ke ita taka buat ruma laiha ita la taka ida," dehan nia.
Nia dehan, komunikasaun dadus buat sira ne'e iha ne'ebá hela, agora prosesu atu mai to'o iha ne’ebé ona.
"Ha'u dehan besik konklui ona konforme agora prezidente foun atu halo ezersisiu ne'e oinsa. Ha'u dehan atu mai lalais labele mai lalais tanba situasaun ohin ha'u temi ne'e,” hateten nia.
