Tuir observasaun jornalista INDEPENDENTE online iha terrenu katak, hafoin hasesuk malu ho pessoál saúde, pasiente na’in rua ne’e ho pasensia koopera sae ambulansia ba fatin izolamentu.
“Ita rejolve ona, agora ita lori ba fatin izolamentu,”dehan pessoál saúde ne’e, kuarta ohin, iha Hotel Katuas.
Lolos evakuasaun akontese ona iha tuku 11:00, maibé pasiente na’in rua ne’e lakohi koopera hamutuk ho sira nia kolega ezijé atu tenki hasai sira husi Hotel Katuas ba fatin seluk.
Tanba sira konsidera Hotel Katuas ne’e kontaminadu ona ho COVID-19.
“Ami tama ba atu hasai sira nia ran hodi ba teste no atu evakua sai mos ema na’in rua ba Vera Cruz maibé sidadaun sira hatan ba ami katak sei la koopera hodi fó ami nia isin atu imi hasai ran hodi ba halo taste se bainhira ami la muda sai husi fatin ne,”haktuir Pessoál Saudé ne’e.
Maibé too ikus rejolvidu no hein katak Governu bele responde sira nia ezijensia ne’e.
Tuir dadus tersa horsehik (14/4), ne'ebe SIJK relata ema ne'ebe positiviu COVID-19 hamutuk na'in neen (6) ona. na'in Ida kuradu, no na'in lima iha fatin izolamentu. Kuarta ohin (15/4) positivu aumenta tan na'in rua, maka hamutuk na'in walu (8).
