Atu Inaugura UNP, MAE Hein Konvite Husi Xefi Suku

Novembru 23, 2024

Nasional

Atu Inaugura UNP, MAE Hein Konvite Husi Xefi Suku ^Featured

By Ivonia Varela Marsu 01, 2023 413

Ministru Administrasaun Estatal, Miguel Pereira de Carvalho. Foto:Dok/INDEPENDENTE.

DILI: Ministru Administrasaun Estatal, Miguel Pereira de Carvalho hatete, atu halo inaugurasaun ba Uma Naroman ba Povu (UNP), Xefi suku sira tenki hato'o konvite ba Ministériu Administrasaun Estatal (MAE) hafoin bele ba inaugura.

"Se konstrusaun uma hotu ona, bainhira xefi suku sira lori konvite mai, ami bele ba inaugura ona, ami hein de'it,” dehan nia ba Online INDEPENDENTE, iha Palasiu Governu, kuarta ne’e (01/03).

Enkuantu, iha sorin seluk Xefe Suku Bahú, Postu Administrativu Baukau-Vila, Munisipiu Baukau, Francisco Rodrigues Gusmão hatete, Uma Naroman ba Povu sia (9) ho kategoria plus A (+A), iha suku refere hein atu halo inaugurasaun, tanba prosesu konstrusaun remata ona.

"Prosesu kontrusaun ba UNP plus A sia ne'e remata ona, hein deit atu halo inaugurasaun," dehan nia.

Nia dehan, UNP ho kategoria plus A sia ne'e, iha kada aldeia, hetan uma ida (1).

Aleinde, ba UNP ho kategoria plus B (+B), iha suku refere, iha uma-kain 37 husi aldeia lima (5) hanesan, Aldeia Makadai, Ro-Úlo, Lamegua, Ana-Ulo, Boíle.

Rate this item

(0 votes)