Sekretariadu Estadu Protesaun Sivil (SEPS), Joaquim Gusmão informa, sasan sira ne’ebé ohin aviaun Airnorth tula mai ne’e apiou solidaridade INTERFET no Veteranus husi Australia inkluindu povu Darwin nian ne’ebe hakarak fó apoiu solidaridade ba povu Timor-Leste ne’ebe hetan sofre husi inudasaun foin lalais ne’e.
"Sasan ohin ne’e kahur malu de’it, hanesan ekipamentu saúde nian, sabaun, manta no lona sira. Ssasan hirak ne’e sei ba tau iha armajen SAMES nian idepois kompila hotu tiha mak, lona ho manta sira ne’e intrega ba SEPS hodi fahe ba maluk sira ne’ebé uma estragus husi inundasaun iha loron 4 Abril foin lalais ne’e,"dehan Joaquim ba Jornalista Online INDEPENDENTE, Aeriportu Internasional Nicolau Lobato Dili, segunda ohin.
Entretantu, apoia solidaridade husi Governu Australia offisialmente sei mai iha tempu badak.
Entertantu kuantidade sasan hirak Veteranu Australia sira manda mai seidauk serteja.
Entretantu tuir dadus Provizori horseik loron (11/04), dadus ne’e ofisial husi MAE ne’ebé publika, ema ne’ebé lakon vida no lakon hamutuk na’in 46, populasaun ne’ebé afetadu hamutuk 4.590 no ema ne’ebé agora daduk iha fatin evakuasaun 43 hamutuk 12.378.
Jornalista: Camilio de Sousa
Editor: Jose Sarito Amaral
