“Komandu Autoridade Protesaun Sivíl (APC) Munisípiu Baucau, liu husi Xefe Gabinete Jestaun Risku Dezastre Basilio Amaral, Xefe Departementu Rekoperasaun Francisco Mateus Soares, Funsionario APC, inklui Servisu Dezastre Munisipál apoiu pakote emerjénsia hanesan ai-han no la’ós ai-han ba vitima afeitadu hamutuk uma kain 10,” dehan Komunikadu ne’ebé Online INDEPENDENTE sita, tersa ne’e (08/10/24).

Total vítima ne’ebé hetan ona apoiu emerjénsia husi APC Baucau kompostu husi, uma kain ualu husi Suku Uma-Ana-Ulo no Suku Uma-Ana-Ico, iha Postu Administrativu Venilale.

Aleinde, husi Postu Administrativu Baucau Vila, iha Suku Bucoli, Aldeia Luliheni uma kain ida no Suku Bahu iha Aldeia Ro-Úlo iha uma kain ida.

Enkuantu, tuir dadus ne’ebé APC nasional rejista, durante semana ida nian laran, hahu husi loron 30 fulan-Setembru to’o loron 7 fulan-Outubru tinan ne’e, total uma ne’ebé hetan estragus husi dezastre naturais hamutuk 61 ho total populasaun ne’ebé afeitadu hamutuk 297.