Amu Papa iha misaun rua atu vizita Timor-Leste Featured

By Ivonia Varela Abril 15, 2024 1806
Ministru Administrasaun Estatal hanesa mós Vise Koordenadór Jeral Altu Nivel Insitusional Vizita Papa Tomás do Rosário Cabral. Foto: Media Gabinete MAE. Ministru Administrasaun Estatal hanesa mós Vise Koordenadór Jeral Altu Nivel Insitusional Vizita Papa Tomás do Rosário Cabral. Foto: Media Gabinete MAE.

DILI: Vizitasaun Sua Santidade Papa Francisco nia iha Timor-Leste durante loron tolu iha misaun rua (2) hanesan Vizita Nu’udar Xefe Estadu no Vizita Pastorál.

Ministru Administrasaun Estatal Tomas Cabral hatete, Sua Santidade Papa Francisco nia iha Timor-Leste iha misaun rua Vizita pastoral ne'ebé sei koordena husi Dom Virgílio Cardeal do Carmo da Silva hanesan Igreja lokal no Vizita estadu nunsiatura mak sei koordena ho estadu TL.
"Entau Amu Papa nia vizita kortezeia estadu nian sei hasoru Prezidente Repúblika ho Primeiru Ministru, Governu i estadu sei simu Amu Papa hanesan Xefe estadu iha Aeroportu Internasionál Nikolao Lobato Comoro Dili," dehan ministru hafoin Remata enkotru ho Arce Bispo iha Lecidere, Segunda (15/04).
Ministru Esplika, Bainhira Amu Papa to'o iha Timor-Leste halo vizita estadu ba iha Palasiu Presidensial hodi halo enkontru ho diplomata sira hafoin halo vizita pastoral ba igreja katólika Timór nian.
"Prejensa governu, igreja katólika ho nunsiatura, tanba governu atu ápoiu aktividade rua ne'ebé ohin hau temi hanesna atividade vizita estadu no atividade vizita pastoral, i Governu nia papel atu apoiu ba igreja katóliku liliu mobilizasaun sarani ho fatin ne'ebé prepara ba Amu Papa halo misa," dehan Ministru.
Enkuantu, Sua Santidade Papa Francisco Sei hela iha TL durante loron tolu bahú husi loron sia (9) to'o loron 11 fulan Setembru 2024 tuir orariu ne'ebé fó ona husi lider Igreja Katólika sira iha TL.

Rate this item
(0 votes)

Independente Digital TV