Pe. Domingos Maubere hatete, hanesan povu kiik ida ne’ebé durante ne’e kontribui oituan mos ba luta ba rai ida ne’e nian, iha li’ur ne’eba rona katak reprejentante povu iha uma fukun PN la respeita malu ona hodi la hatudu imajen di’ak Timor nian ba munda tanba ne’e mai atu haree.

Hanesan povu kiik ne’ebé terus iha li’ur, ki’ak no hamlaha ba hahan lakohi atu reprejentante povu la komprende malu hodi dezenvolve rai ida ne’e.

Hanesan Padre ida ne’ebé hanorin iha Igreza katak tenke hadomi malu, perdua malu hodi ba povu nia di’ak liu husi pratika deputadu sira nian.

Amu dehan, Timor ne’e ukun aan tanba milagre solidariedade, uluk nasaun barak ajuda timor nia ukun aan tanba ne’e tenke hatudu buat di’ak ba grupu solidariedade iha liur.

“Ha’u husu ba deputadu sira atu hakruk ba konstituisaun no rejimentu Parlamentu nian,”dehan nia, iha PN, ohin.

Tuir Amu katak, iha rai ne’e konstituisaun maka boot liu tanba ne’e labele fila kotuk ba konstituisaun, bainhira nune’e nasaun sei la la’o ba oin.

Diferente ideia ne’e Direitu Demokratiku tanba ne’e karik balun la tuir regra konstituisaun halibur ema jurista sira atu halo interpretasaun, bainnhhira laiha dalan lori ba Tribunal Rekursu atu deside.

“Ha’u mai iha ne’e la’os igreja maka haruka maibé hanesan povu hakarak mai haree saida mak akontese iha parlamentu,”dehan nia.