Enkuantu, atividade inspensaun refere ekipa AIFAESA,IP hamutuk ho autoriedade seguransa hanesan Polisia Nasional Timor-Leste (PNTL) ho Polisia Eskudra Na’in-Feto mak hala'o iha merkadu Taibesi.
Iha atividade refere, AIFAESA konsege halo aprensaun ba produtu hanesan tabaku ilisitiu ho nia kuantidade hamutuk 181, kompostu husi slop 37, masu 93 no joker plastiku 50.
Husi produtu hirak ne'e mak hanesan. Sigaru Surya12, ESSE, Arro, Marlboro, Matahari, Orbit, Tanus, Pohon Sagu no L.A, tanba tuir lei la permite.
Sub-Inpetór Jeral-AIFAESA, Dionisio Neto da Silva hatete, AIFAESA nafatin hala'o atuasaun ba opredór ekonómiku sira iha terrenu, nafatin kumpri ba lei neebé regula aktividade ekonómika.
Tanba produtu ne'e sita iha dekretu Lei nu.14/2017, kona-ba rejime kontru tabaku, produtu hirak ne'e labele komersializa iha merkadu nasionál.
Bainhira operadór ekonómiku sira tenta nafatin fa'an produtu ne'e iha merkadu ninia konsekuennsia katak sei hetan asaun tuir lei ne'ebé fó.
“Ha'u husu ba operadór ekonomiku sira hotu katak produtu ne'ebé ita boot sira atu fa'an iha merkadu tenki produtu ne'ebé lei permite, bainhira lei la permite labele fa'an, tanba konsidera produtu ne’e iregularidade,” dehan Sub- Inpetór hafoin hala'o apresaun ba tabaku ilisitiu iha merkadu Taibesi, Segunda (24/07).
Sub- Inpetor afirma, karik opredór ekonómiku sira nafatin fa'an produtu ilegal sira mak AIFAESA sei prosesa sira tuir lei ne'ebé iha. Tan ne'e husu ba operadór tenki fa'an produtu ne'ebé lei permite negòsiu sei la'o di'ak.
Iha fatin hanesan, Vendedór Igildo José Lopes, senti triste ho aprensaun ne'ebé AIFAESA ho PNTL halo ba sira, tanba produtu ne'ebé sira fa'an la'os produs iha merkadu Taibesi, maibé importa husi estranjeiru.
Nia dehan, produtu sira ne'ebé konsidera ilegal ne'e mai husi estranjeiru, maibé tanba sá mak servisu seguransa fronteira nian la hare ba ida ne'e. Bainhira sira hola tutan ba fa'an fali mak AIFAESA ho PNTL halo aprensaun.
“Ami senti triste tanba sasan sira ne'ebé ami fa'an iha ne'e mesmu ke sasan ilegal, maibé sasasn ne'e bele tama fali área TL nian, se mak servisu iha área fronteira nian, tan husu ba parte relevante sir atu tau prioridade ba ida ne'e,” nia hato'o.
“Sasan sira ne'ebé fa'an ilegal iha areadór Taibesi ne'e la'os produs iha Taibesi maibé ne'e mai husi nasaun Indonesia, tanba saida mak Segurasa Fornterira sira la halo atuasaun sekarik sasan sira nee lei la permite atu fa'an iha Timor,”dehan nia.
Tan ne'e, Vendedor ne'e rekomenda ba parte relevante hanesan Unidade Polisia Marituma (UPM), Unidade Polisia Fronteira (UPF) ne'ebé halo asegurasaun iha fronteira, servisu ne'e prioridade ba sira atu halo atuasaun ba produtu ilegal sira ne'ebé tama iha Timor.
