AHMDTL Husu Governu Harii Edifisiu Permanente Ida Ba Sira Featured

By Ivonia Varela Fevereiru 03, 2024 684
Edifisiu atual AHDMTL. Foto:INDEPENDENTE/Ivonia. Edifisiu atual AHDMTL. Foto:INDEPENDENTE/Ivonia.

DILI: Asosiasaun Halibur Defisiensia Matan Timor-Leste (AHMDTL) husu ba governu liu husi Sekretariu Estadu Terras Propriedades (SETP), atu harii edifisiu foun no permanente ida sira atu nune’e bele halibur ema ho defisiensia matan iha teritóriu laran tomak.


Diretór Ezekutivu Gabriel Ponsiano de Sousa, hatete, problema ne’ebé AHMDTL dadaun ne’e hasoru mak fatin permanente ida ba sira seidauk, tanba dadaun ne’e aluga hela komunidade nia uma.
“Asrama ba feto ho mane ita seidauk iha, tanba sei aluga komunidade nia uma, tan governu liu husi SETP bele haree rai ka uma mamuk atu nune’e bele harii uma ida ba ami,” dehan Diretór ba Jornalista ID-TV iha nia knar fatin Manleuna, Kinta (01/02).
Diretór afirma, antes ne’e AHMDTL hato’o ona pedidu ba iha SETP atu hare rai hodi harii edifisiu ida ba sira, maibé to’o agora seidauk iha resposta.
Nia dehan, uma komunidade nia ne’ebé AHMDTL sira uza hanesan edifísiu ida hodi halo servisu loron-loron inklui ba formasaun, nune’e mos uma nia sorin sira halo asrama ne’ebé fahe ba kuartu sanolu 16, no kada fulan sira selu ho osan montante $800.
“iha ne’e ami aluga komunidade nia uma ida hodi halo ba edifisiu no sorin halo ba asrma feto no mane nia tan feto iha kuartu ualo mane iha kuartu ualo, tan ne’e ami halo negosiasaun ho uma na’in tanba aluga ba tempu naruk entau ami selu $800 kada fula,” dehan Diretór.
Tanba Ezistensia AHMDTL nian hakarak akumula hotu ema ho difesiasia matan iha Timor-Leste atu nune’e bele hamenus analfabetizasaun iha rai laran, maibé kondisaun mak la permite.
Tan ne’e, AHMDTL hakarak rekomenda ba parte Governu oinsá atu haree fatin mamuk ruma hodi bele akumula malun defisiensia matan sira iha ne’e liu iha Díli tanba Dili hanesan nasionál ida.

Rate this item
(0 votes)

Independente Digital TV

Tuir ami iha Twitter

Kalendariu Notisia

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31